На фестывалі «Палескі ўюн» будуць спаборнічаць у прыгатаванні дранікаў

5 жніўня 2023 года ў Пінскім раёне ў другі раз адбудзенца гастранамічны і экалагічны фестываль. Ён мае назву фестывалі «Палескі ўюн» і рыхтуецца на базе эколага-турыстычнага комплексу «Цішыня».

Паводле словаў дырэктара установы «Ландшафтныя заказнікі рэспубліканскага значэння «Сярэдняя Прыпяць» і «Прастыр» Аліны Валасевіч, рыхтуецца шмат цікавага.

«Хочам здзіўляць гасцей, таму дадалі ў праграму новыя падзеі, але яркім момантам застаецца конкурс «Бітва на чарпаках», — кажа у інтэрв’ю БЕЛТА Аліна Валасевіч.

Сёлета павялічылася колькасць каманд у гэтым конкурсе: іх будзе па шэсць з Пінска і Пінскага раёна.

Калі ў мінулым годзе было спаборніцтва па падрыхтоўцы юшкі, дык зараз каманды будуць рыхтаваць дранікі. Арганізатары далі магчымасць камандам праявіць сябе і прыгатаваць дранікі па старажытных і сучасных рэцэптах.

“Многія іх любяць, але забываюцца, што існуе не адзін дзясятак разнавіднасцяў гэтай стравы”, — кажа Аліна Валасевіч.

Гасцям таксама прапануюць паўдзельнічаць у майстар-класах, наведаць выставу-кірмаш рамеснікаў і мастакоў. Можна будзе пакатацца на лодках і байдарках, прадэгуставаць палявую кухню.

Будзе працаваць выязны гандаль, арганізуюць канатнае мястэчка і гульнявую зону. Ратавальнікі прэзентуюць сваю шоу-праграму «Феерыя вады і пены».

Акрамя таго, рэспубліканскі атрад спецыяльнага прызначэння МНС «ЗУБР» ладзіць яшчэ і шоу на вадзе. У наведвальнікаў будзе магчымасць убачыць спецтэхніку пінскіх памежнікаў і даведацца пра работу кінолагаў. Прэзентуе сваю працу і дэпартамент аховы.

Забаўляць публіку будуць творчыя калектывы Пінска і Пінскага раёна, а таксама запрошаныя артысты. Запланавана дыскатэка-караоке пад песні 1990-2000-х гадоў, лазернае шоу і маляўнічы феерверк.

Арганізатары хочуць выкарыстаць фэстываль для экалагічных мэтаў і прапаганды беражлівых адносін да прыроды.

“Пра ўсё гэта будзем казаць, але ненадакучліва, каб было і цікава, і пазнавальна”, — адзначыла Аліна Валасевіч.

Паводле яе меркавання, важна, каб людзі задумаліся аб праблемах захавання свайго асяроддзя. У прыватнасці, будзе лакацыя, дзе прадставяць некалькі арганізацый, якія маюць непасрэднае дачыненне да экалогіі.

Дарэчы, сваю назву фестываль атрымаў у гонар спрадвечна палескай рыбы – уюна. які знаходзіцца на мяжы знікнення.